ICENAYEN IMEZWURA N TEQBAYLIT

D asullef akken ad neg asmekti i win i t-yuklalen, I win yerzan asalu akken ad ibedd uɛekaz n tmussni, am Sliman Azem, Yidir, Mass Matub, d Lewnis n At Mangellat, icennayen imezwura n teqbaylit.
Lewnis at Mengellat, d yiwen umussnaw n temnaṭ n leqbayel, d yiwet n teγmert ar iqublen tin n Sliman Azem d Matub Lunas, d yidir . Rebɛa tγumar di ccna amaziγ, am akken ur ntettu wiyaḍ am Takfarinas, d wiyaḍ.

Lewnis yecna γf yal asentel n ddunnit abaEda, tameddurt iweɛren di tmurt n leqbayel d tudrin meṛṛa, yecna tamsalt n tayri, lbenna ines, d wuguren-is, amedya: a Lwiza, beɛdeγ tbadeḍ, akka I s-yehwa I lmektub, wallaγ-tt zdat-I ur tt-ɛqileγ ,artg. Irna; yecna: aqli ussiγ-d d abeṛṛani, ǧǧet-iyi ad nseγ, γef unaẓur yettwaɛezlen di tmetti deg iseggasen iɛeddan. Akka inaẓuren meṛṛa, ad naf ẓran-d di taberkant asmi bdan ccna, ladγa icennayen i d-bedreγ, asmi I ten ttlaqaben di taddart, deg iseggasen n 70 d asawen, ass-a lḥemddu lillah, ffγen ar tafat akken ma ttmallan, ad naf ara sen-ttarran tijmilin di tudrin, imi I d-yella ibeddel di tmetti taqbaylit.

Ad naf Ydir d Sliman Σazem, yiwen umecwar, eccenu γefwansayen(laɛwayed iqburen, eccenu γef tmeγra, d nnif d lḥerma d tdukli, γef tjaddit, am akken sin agi ussan-d ad ccnun ccna n tejmaɛt, uqmen tilisa i ymeslayen nnsen d isentalen nnsen, ayen ara d-yini Yidir d Sliman Σazem izmer ad t-id-yini wemdan di tejmaɛt d wexxam γer iɛeggalen, belli, ufan tametti taqbaylit telha, tṣeggem, fkan-as azal s ccna, akken ad asen-ḥessen lγaci, iwayen ara d-innin meṛṛa.

Ad naf daγen sin icennayen agi, san kra n tezlatin d tasuqilt ar tutlayt n tefransist I wakken, ad sslen mliḥ irumyen d acu ttmeslayen imaziγen, am akken iga dd Lmulud, yal tikelt mi ara yaru tamedyazt n kra n walebɛaḍ, am Yusef u Qasi Si Muḥ u Mḥend, artg- ihi icenayen agi , ad naf d nutni d wiyaḍ I s-igan llsas I tmaziγt, d nutni i d assa n tmaziγt, ddan-ed yides armi d anda I tt-kemmlen wiyaḍ. Dda Sliman yemmut ad ittwarḥem. Dda Yidir as izeγzef Rebbi di leɛmeṛ.

Lwennas Maɛub, d Lewnis n at Mengellat d amecwaṛ nniḍen ara nezrew s talwit, imi Lwennas d awal n teqbaylit , d tmaziγt I d-yekkren, akken qqaren , s tnekkra n tidett, neγ n wuzzal, isuγ-ed tillawt, d wayen yettwakksen meṛṛa i umaziγ: tamaziγt, tugdut d izerfan n wemdan, ladγa immut γf tidett nni I d-yenna.

Maca Dda Lewnis, ur iqsiḥ ara nezzeh, ittruḥu kan s talwit, d laɛqel d tmussni, akken i d-nniγ d amussnaw( c’est un sage), d aselmad n teqbaylit, ulac win ur nessin lemtul n Lewnis n At Mengellat « zik wa yhedder-itt I wayeḍ, ass-a di lkaγeḍ, ad tt-id-affen ineggura», ad k-yini inna-yas « akka a mmi ara tuγaleḍ d aqerru», ad k-yini: « lbaz ma ixuṣ-it wedrar, afrux kan ad as semmin », ak yini: « kkset-tt ad nɛiwed wayeḍ».

Ihi tagrayt, icennayen nneγ wwin-ed akk ayen ifazzen, maca yal yiwen , amek i t-id inna, yal yiwen amek ittnadi ad isalli aswir-is, wa s tmedyazt taqesḥant( l’engage), wa yefka azal I wnamek (les sens des mots) neγ tiṛaǧelli, ( la metaphore ), illa wayeḍ isader-ed ansayen iqburen, izwi-yasen aγebbar, ira ten-id ttiriqen am akken d anmezray, neγ d amassan n tmetti, ayen din n tmussniwin, ad as tiniḍ d illel( lebḥar) n teqbaylit. Yal yiwen iḥuza lγerḍ-is, yal yiwen yewweḍ ar yiswi-s, sulin yidsen taqbaylit, yessefk a ten id neḥyu, akken a tezgu tɛella tmaziγt d teqbaylit .

Amar Tafat

IDLES

Partager cet article